Најавувајќи го петнаесеттиот албум во својата кариера, Здравко Чолиќ ја промовира новата песна „Сливите родија“.
Текстот и музиката се на Златан Фазлиќ, аранжманот е на Никша Братош и Дејан Петровиќ, а режијата на Александар Керекеш – Кеки.
Во оваа песна првпат соработува со Дејан Петровиќ, кој се појавува во две улоги: како гостин со својот оркестар и како коаранжер на нумерата.
„Додека го работевме демото, Никша рече дека во песната добро би се вклопиле трубачи и тоа за мене беше како сигнал за Деки, кој е најдобар трубач на овие простори, заедно со неговиот светски бенд. Тој ја прифати поканата и смисли делови што за мене се рокенрол“, изјави Чолиќ.
Спотот се снимал три дена на еден војводински салаш на кој живеат 20 девојки и сè поминало во одличен амбиент.
