Популарниот српски водител Жика Николиќ веќе не ја води емисијата „Шареница“ по која беше познат на поранешните југословенски простори. Тој си замина од Радио телевизија Србија и потпиша договор за телевизија Пинк. Во српските медиуми се шпекулира дека Жика од сопственикот на ТВ Пинк, Жељко Митровиќ, добил понуда од 200.000 евра или стан и автомобил, по негов избор.
Жика не го продолжи договорот во РТС, а вчера, по 13 години, емисијата доби двајца нови водители, Ана Бабиќ и Слободан Шаренац. Емисијата има и ново мото: „Шареница, повеќе од име“.
Новата емисија на Николиќ на ТВ Пинк ќе почне да се емитува наскоро, а според најавите, ќе има сличен формат како „Шареница“ со која Жика постигна огромен успех.