Полициски инспектор вели дека има аудио снимка на која Зоран, сопругот на пејачката Јелена Марјановиќ му рекол дека тој ја убил. Полицаецот успешно одглумил уапсен криминалец, стекнал доверба кај Зоран и тој во еден момент му признал и во детали му раскажал како ја убил пејачката.
Српските медиуми пишуваат дека полицаецот бил во иста затворска ќелија со Зоран, дека бил озвучен и дека исказот на Зоран е снимен, но дека сепак не може да се користи како доказ во постапката против Зоран. Обвинителството ја одбило снимката како доказ, велејќи дека признанието не е стекнато законски.
Зоран Марјановиќ е првоосомничен за убиство на сопругата Јелена Марјановиќ, но полицијата и понатаму не го затвора случајот на убиената пејачка.
