Ален Вокер ќе настапи на „Скопје колинг 2018“

Авалон продукција најавија дека по повод јубилејот, 25 години од нивното постоење, годинава ќе организираат 25 концерти. Во рамките на овие концерти ќе се одржи и најголемиот македонски фестивал на отворено „Скопје колинг“, но новина е што фестивалот ќе трае два викенда.

Хедланјер на првиот викенд ќе биде Ален Вокер, едно од најголемите имиња на електронската музичка сцена во моментов. Тој ќе има настап на 2 јуни (сабота) на стадионот на АРМ во градскиот парк.

Овој 20-годишен диџеј е еден од најслушаните артисти на денешнината. Неговите хитови Faded, Alone и Sing Me To Sleep урнаа бројни рекорди на гледаност, а имаат и платинест тираж во повеќе од 10 земји. Оваа година Вокер најави нова музика и светска турнеја.

Влезниците по цена од 1000 денари за партер и 1500 денари за фан пит ќе бидат во продажба од 9 февруари.

 

 

Scroll to Top