Актерката Кејт Волш, нам најпозната по улогата во серијата „Вовед во анатомија“, јавно проговори за туморот на мозокот кој ѝ бил дијагностициран пред две години. Таа истакна дека ги игнорирала симптомите што укажувале дека нешто не е во ред – тешкотијата да се концентрира, а подоцна и интензивни и силни главоболки.
„Првото логично објаснување ми беше дека сум премногу заморена зашто снимањата понекогаш траат и по 17 часа“, рече таа.
Кога болките се интензивирале, таа посетила невролог.
„Стигнав до фаза кога сакав да кажам некоја реченица, а не можев да ја изговорам до крај. Од шок не знаев како да реагирам кога ги добив резултатите“, додава актерката.
Таа веднаш била оперирана, по што направила пауза од девет месеци, а потоа се вратила на снимањето филмови.
„Верувајте им на своите инстинкти, на своето тело. И не одбивајте да одите на лекар“, рече Волш.
