Откако реши да се повлече од тенисот, Ана Ивановиќ се посвети на семејниот живот. Таа јавно поговори во интервју за магазинот „Чикаго муд“ на кое е и на насловната страница на септемвриското издание.
Ана открила детали од заедничкиот живот со сопругот, фудбалерот Бастијан Швајнштајгер.
– Бастијан и јас сме многу организирани, чисти и педантни. И двајцата сакаме да имаме модерна декорација во станот во едноставни бои – изјавила Ивановиќ.
Семејството ѝ е на прво место, а посочила дека дури сега е свесна колкава жртва морало да поднесат нејзините најблиски, а посебно мајка ѝ.
„Откако сум мажена, многу повеќе го почитувам она што мојата мајка го направи за мене. Јас бев млада девојка и го работев она што го сакав. Нејзе, бидејќи беше одделена од сопругот и синот затоа што постојано одеше со мене, ѝ беше многу тешко, но тоа никогаш не го покажа. Дури сега разбирам што сè жртвувало моето семејство за мене“, раскажала Ана Ивановиќ.
Таа стави крај на професионалната тенисерска кариера и со сопругот Швајнштајгер се пресели во Чикаго.
„Се будам без часовник и без однапред предвиден распоред. Уживам да одам во моето омилено кафуле на утринско кафе со сопругот. Сакам што секое утро се будам во ист кревет со него и што повеќе не живеам во куфер. Овде се чувствувам, како што велат, како дома – раскажала уште Ана за „Чикаго муд“.
Ивановиќ преку својот фејсбук-профил им соопшти на своите фанови дека ја завршува тениската кариера.