Девојките од поранешната славна група „Пусикет долс“ дадоа заедничка изјава дека наводите за тоа оти групата функционирала како круг за проституција се лажни.
Ваквата вест ја прошири Каја Џоунс, која ја напушти групата пред да стане позната во 2005 година.
„Сите сме биле злоупотребени. Нѐ принудуваа да спиеме со секого за кој ќе ни кажаа“, напиша Џоунс на „Твитер“.
„Пусикет долс“, предводена од главната пејачка Никол Шерцингер, рече дека тие не биле запознати со искуствата на Каја и ѝ понудија помош нагласувајќи дека другите членки на групата никогаш не биле сексуално злоупотребени.
„Не планираме да се наруши сето она на што толку многу работевме. Сепак, немаме намера да го одземаме вниманието на јавноста од вистинските жртви на сексуална злоупотреба, кои сакаат да им биде слушнат гласот“, се вели во изјавата.
„Пусикет долс“ беше основана од кореографот Робин Антин во 1995 година како трупа на бурлескни танчарки. Нивните настапи привлекоа многу луѓе во Холивуд и ја делеа сцената со Бритни Спирс.
