Сталоне имал секс во тројка со тинејџерка

Сталоне принудил тинејџерка на секс во тројка. Ова е извештајот од полицијата кој се појави во јавноста и содржи детали од обвинението на тогаш 16-годишната девојка која го запознала Силвестер Сталоне (71) во Лас Вегас.

Актерот тогаш го снимал филмот „На врвот“, а девојката го обвинила за вознемирување. Девојката била на одмор со семејни пријатели во хотелот во кој се снимале некои кадри на филмот. Тинејџерката со Сталоне ја запознал актерот Дејвид Менденхел, кој во филмот го игра неговиот син. По неколку дена, девојката го сретнала славниот актер, кој тогаш имал 40 години, во ходникот и го замолила за автограм. Сталоне неа и нејзините пријателки ги бакнал во образ. Наредниот ден девојката пак се вратила на сетот и добила уште еден автограм, а таму ја дочекал телохранителот на актерот кој ја прашал дали би се противела на додворувањето на Сталоне. Одговорила дека тоа не би ѝ пречело, а телохранителот ѝ ги предал клучевите од хотелската соба на актерот. Кога пристигнала, актерот ја пречекал, ја однел во собата, и според нејзините зборови, имале секс.

„Ме праша дали сум имала секс со двајца мажи истовремено. Му реков – не, а тој го повика телохранителот, кој се криеше во бањата, да ни се придружи“, раскажала девојката во полицијата.

Тинејџерката рекла дека Сталоне ја принудил да му пружи орален секс на неговиот телохранител држејќи ѝ ја главата. Потоа, тогаш 27-годишниот телохранител, рекла девојката, пенетрирал во неа. Кога сè било готово, актерот и телохранителот ѝ се заканиле на девојката.

„Ми рече дека двајцата се оженети мажи и дека ако кажам некому што се случило, ќе ме претепаат“, тврдела девојката.

Во полицискиот извештај стои дека девојката, раскажувајќи за деталите, цело време плачела и се тресела. Таа не го пријавила веднаш малтретирањето бидејќи била преплашена и понижена. Полицијата ја пронашла девојката откако нејзината пријателка случајот го пријавила на персоналот на хотелот. Девојката не сакала да покрене тужба против двајцата мажи.

Инцидентот се случил една година пред полусестрата на Сталоне, Тони Ен, да го тужи актерот за силување. Тврдела дека Сталоне сексуално ја злоупотребувал со години. Сталоне на полусестрата ѝ исплатил 2 милиони долари и се обврзал да ѝ уплаќа 16.000 долари месечно до крајот на нејзиниот живот.

 

 

Scroll to Top