Сè помалку има чесни луѓе, но, сепак, постојат. Оваа приказна за една навистина чесна, добра и храбра жена е навистина несекојдневна.
23-годишната самохрана мајка Ана Круз работела на депонија. Таму обично работат мажи, но таа е една од жените кои не се срамеле да извршуваат работи кои претежно се наменети за посилниот пол.
Таа на депонијата пронашла чекови во вредност од 72.000 евра. Биле испишани на име на болницата во Сао Паоло.
Ја контактирала болницата и им јавила за што се работи. Рекла дека никогаш не би ги земала тие пари бидејќи не се нејзини.
Откако станала позната по својата чесност, веднаш ја исконтактирале модни агенции и ѝ понудиле работа. Наскоро почнала да работи на реклами и животот ѝ станал поубав.
