Сите сакаме во лето да се разладиме со убава, ладна и сочна лубеница. Ммммм, звучи одлично нели? Еве неколку трикови како да одберете вкусна лубеница.
Зрелата и слатка лубеница треба да биде со темно зелена боја. Треба да ја подигнете. Ако е зрела, би требало да е тешка за својата величина. Дури 92 посто од лубеницата е составена од вода. Незрелата лубеница е лесна за големината бидејќи не собрала доволно вода.
Исто така, побарајте ја страната на лубеницата која лежела на земја. Секоја лубеница го има тоа место и би требало да биде кремасто и жолтеникаво. Тоа е спој на боја од банана и лимон, а ако е бела или светло жолта бојата, значи дека во раката држите незрела лубеница.
Па искористете ги овие совети и веднаш тркнете во супермаркет да купите зрела лубеница која ќе ве разлади на горештините.
