Потребни состојки:
1 кесичка пудинг од ванила
250 мл вода
3 лажици шеќер
200 гр кокос
50 гр лешници
Начин на подготовка:
Одзмете малку од водата за во неа да го разматите пудингот. Сварете го во длабок сад според упатството на кесичката. Кога ќе биде готов, тргнете ја смесата на страна, па додајте го кокосот. Мешајте за да се спојат состојките. Со помош на лажица оформете топчиња, па извалкајте ги во кокос. Во средишниот дел ставете по едно лешниче. Но, мора да бидете брзи во оформувањето на колачињата – колку е смесата поладна, толку потешко се обликува.
