Поп-пејачката Кристина Арнаудова во Маврово однесе 40 деца од ранливи семејства. Таа им организира седумдневно шарено лето во рамките на нејзиниот хуманитарен „Проект среќа“. Ова се деца што не можат да си дозволат летен одмор. Ме прави среќна што можам да помогнам зашто и овие дечиња заслужуваат да имаат летен одмор и распустот да го паметат по убави нешта“, рече поп-пејачката Арнаудова.Освен неа, во тимот се и воспитувачи и доктори. Денес како изненадување беа ракометарите од клубот „Еурофарм работнички“, а во следните денови предвидени се уште многу дружби и изненадувања за дечињата. Децата и воспитувачите се сместени во хотелот „Лоџ“. (А.Г.)
Кристина Арнаудова на одмор во Маврово со 40 деца од социјални семејства
