Лила проговори за смртта на татко ѝ

Македонската водителка Лила Филиповска јавно проговори за еден од најтешките моменти во нејзиниот живот, смртта на нејзиниот татко Милан. Таа за порталот „Женски магазин“ истакна дека тој бил горд на нејзиното факултетско образование и поради тоа што го остварила својот сон. Тој бил нејзина ѕвезда-водилка, човек за пример и столб во семејството.

„Функциониравме како најдобри другари, а најмногу се радувавме на заедничките прошетки. Беше остар и директен, но секогаш реален во излагањата“, рекла Лила.

Нему му бил дијагностициран рак, но дури во поодмината фаза. Иако бил дисциплиниран пациент, кој редовно одел на прегледи, на крајот не успеал да ја победи тешката болест. Лила додала дека татко ѝ Милан починал пред три години од канцер.

„Времето поминува, но болката не се намалува. Сè е исто, само се навикнуваш. Татко ми секогаш ни нагласуваше дека здравјето е најважно“, изјавила Лила.

 

 

Scroll to Top