Младинскиот женски хор „Стив Наумов“ од Битола освои златен медал на меѓународниот натпревар Фестивал на хорови кој се одржа во Молдавија.
Во молдавскиот град Кишињев битолските хористки настапија 5 пати на различни локации во градот, со македонска музика, односно во натпреварувачката програма хорот отпеа 5 песни од македонски автори.
Во конкуренција биле 29 хорови, а битолчаните го освоија првото место. Настапот во Кишињев е премиерен настап на меѓународниот фестивал на хорови кој во овој град се одржува по седми пат.
