Албанската пејачка и ТВ-водителка Биг Мама го прослави својот 32. роденден. Големата забава се одржа во студиото на нејзината матична телевизија „ТВ 21“, а меѓу многуте пријатели и соработници чест ѝ направи и претседателот на Собранието на Република Македонија, Талат Џафери, ама и поранешниот министер за економија, Ваљон Сарачини. Меѓу гостите беа и Аделина Тахири, Коки од „Тајфата“, Елена Стефановска, Ненад Георгиевски, Зоран Шурбески и многу личности од јавниот живот во Македонија.
На роденденската журка Биг Мама беше облечена во црн фустан, креација на битолскиот моден дизајнер Андреј Папаз, кој го дизајнирал фустанот специјално за неа.
Биг Мама е родена во Тетово 1986 година. Македонската публика ја запозна пред десетина години кога настапуваше на домашниот Избор на песна за Евровизија во дует со Боки 13.