Малколм Јанг, гитаристот и основач на бендот АC/DC почниал на 65 годишна возраст.
Во соопштението кое го објавија неговите колеги од австралискиот бенд, пишува:
„Малколм заедно со Ангус беше основач и креатор на групата AC/DC. Со неверојатна посветеност, Малколм беше движечката сила на бендот. Како гитарист, текстописец и визионер, тој беше перфекционист и единствен човек. Секогаш се држеше до својот план и работеше точко она што го сакаше. Со огромна гордост влегуваше во секој потфат, а неговата посветеност кон фановите беше неверојатна.
Неговиот брат Ангус Јанг во посебна изјава изјави:
„Како негов брат многу ми е тешко да опишам колку ми значеше во животот. Нашата поврзаност беше силна и многу специјална. Зад себе остави наследство кое ќе живее засекогаш. Малколм, секоја чест.
За потсетување, Јанг AC/DC официјално ги напушти во 2014 година, а претходните три години се бореше со деменција.
Како што наведуваат австралиските медиуми, Малколм умрел мирно, опкружен со членовите на своето семејство.
