Според последните истражувања на Квинипиак универзитетот, популарноста на американскиот претседател Доналд Трамп достигнала 40%, што е негов најдобар резултат во последните седум месеци.
Веројатно за овој резултат заслужна е економијата на САД, но аналитичарите оценуваат дека критикувањето на демократите и истрагата за мешање на Русија во последните претседателски избори претставува политички ризик за првиот човек на Америка.
Претседателот Доналд Трамп го истакна влијанието на неговата даночна реформа, за време на посетата на фабрика во Охајо, но го критикуваше здружувањето на демократите од аплауз во текот на неговиот говор за состојбата на нацијата.
„Беа како смрт, целосно неамерикански, неамерикански. Некој спомена и предавство. Претпоставувам да, зошто да не? Можеме ли тоа да го наречеме предавство? Зошто да не?“.
Беше тоа остро движење после неговото неодамнешно обраќање во Конгресот, во моментите кога го сврте вниманието по прашањето на перспективата на билатералната политика.
„Вечерва ќе ве повикам сите да ги ставиме разликите на страна и да продолжиме да го најдеме заедничкиот јазик и да создадеме единство кое им е потребно на луѓето“, изјави Трамп.
Подобрувањето кое го гледаме во анкетите за популарноста на Трамп покажува дека гласачите почнуваат да ги признаваат заслугите на претседателот за растечката економија.
Порастот на претседателската популарност може да им помогне на републиканците да го задржат потребното мнозинство на овогодинешните конгресни избори.
