Напишала п наместо П и заработила казна од 1300 евра!

Една работничка во Хрватска е казнета со 10.000 куни (околу 1300 евра), затоа што на финансиската сметка, ознаката за тој деловен простор е напишана голема наместо мала буква, како што, инаку, тој објект е пријавен во Министерството за финансии.

На сопствениците им стигнало решение на Даночната управа,  дека изричната казна од 10.000 куни е поради „неисправните“ ознаки на деловниот простор на сметката.

Во образложението на решението се наведува дека „на наведената сметка од 10.11.2017 година во износ од 30.000 куни, ознаката на деловниот простор е „P1“, додека до Министерството за финансии на истата адреса е пријавен простор под ознаката „p1“, од што произлегува дека деловниот простор со ознаката „P1“ не е пријавен во Министерството за финансии и Даночната управа“.

Од даночната управа велат дека, поради тоа што на сметката е напишана голема буква, а во нивната база е со мала буква, произлегува дека данокот не е пријавен, па одлучила да ја казни сопственичката на работилницата. Инаку, казните од ваков вид, за претприемачи, се движат од 10 па се до 300.000 куни.

Иницијативата на професионални сметководители на Хрватска испратила допис во Министерството за финансии и се обидела да влијае да барем системот на „еДанок“ вгради предупредување, доколку се пријави сметка со погрешна ознака на деловниот простор, но досега не добиле никаков одговор.

„Во наведениот случај сите сметки се фискални и постојат во системот на Даночна управа, а со самата погрешна ознака на просторот, никој не е оштетен, додека казните се огромни и несрезмерни за прекршокот, кој се случил затоа што нема контрола во системот од каде е побарана“, вели Весна Варшава од Иницијативата за професионални сметководители на Хрватска и додава дека е оставена огромна можност за грешка, затоа што деловниот простор го пријавиле по правило сметководителите, а ознаката за деловен простор во софтверот го дефинира програмер, кој во повеќето случаи комуницира преку телефон.

 

Scroll to Top