Што значи зборот „Броз“ во американскиот жаргон

На сајтот UrbanDictionary.com можат да се најдат три одвоени дефиниции за зборот „Броз“, кои имаат некоја заедничка нишка, но истовремено се контрадикторни.

Првата дефиниција вели: „Броз е друг збор за алатка (човек кој не поседува ментална способност да сфати дека некој го користи) но, со значење на личност која е арогантна, гласна, неподнослива и која живее во Тексас, а се вози во прегломазен џип кој ја надоместува големината на неговиот полов орган. Редовно се нарекува бог или суштество со виша сила. Опседнат е со пари и секогаш поседува нешто подобро од другите“.

На пример: „Оној тип таму е целосен Броз“.

Втората дефиниција гласи: „Арогантна личност која мисли дека е поголема од животот, со голем пенис. Ги третира девојките како што треба и има широк круг пријатели. Има многу пари и сини очи со кои го привлекува вниманието на жените. Броз ужива во брзи автомобили и уште побрзи жени“.

На пример: „Тој живее како Броз“.

Оваа дефиниција е прилично позитивна, но треба да се има предвид дека ја оставил корисник на сајт чиј надимак е Broz_69.

Третата дефиниција вели: „Збор кој дефинира ароганција, личност која нервира, несигурна индивидуа со мали мадиња која мисли дека е подобра од сите други, додека во реалноста никој не го сака“.

На пример: „Оној тип е многу иритантен, мора да е роднина на Броз“.

Ниту една од овие три дефиниции не се вклопува во она што би можеле ние да го поврземе со зборот „Броз“, кога „Броз“ би бил дел од нашиот жаргон не би го користеле на тој начин. Можеби во смисла на женкарош или некој кој знае да живее, или некој кој е силен и моќен, но не во смисла дека некој е арогантен без покритие и вози џип за да ја надомести големината на пенисот, а притоа никој не го сака.

 

 

 

 

Scroll to Top