Кристијано Роналдо помогна да се соберат 600.000 евра за добротворната организација „Замисли желба“ така што ја донираше својата копија од еден од четирите трофеи „Златна топка“.
„Златна топка“ е трофеј што се доделува на најдобриот фудбалер во една година, а оваа копија ја купи израелскиот милионер и филантроп Идан Офер на гала-вечерата што се одржа во хотелот „Дорчестер“ во Лондон.
Според шпанскиот весник „Марка“, трофејот бил дополнителната копија што Роналдо ја побарал кога го освоил трофејот во 2013 година, а оригиналниот трофеј останува во неговиот музеј на Мадеира.
Роналдо не присуствувал на церемонијата, а Офер трофејот го добил од менаџерот на Роналдо, Жорге Мендеш.
