Целосно изгоре центар за бегалци во западна Германија

Голем центар за бегалци ноќеска целосно изгорел  во Гелзенкирхен по покраината Северна Рајна Вестфалија но поради брзата евакуација  нема повредени.

Според полицијата  пожарот се случил околу 21 часот и 40 минути во специјален шатор дизајниран да смести 90 бегалци. Во моментот на инцидентот во шаторот биле сместени 41 бегалец кои веднаш биле евакуирани.

Според сведоците пожарот започнал внатре во шаторот со што се отфрла можноста тој да бил подметнат од надвор, што често се случува во Германија по огромниот наплив на бегалци во текот на минатат и оваа година.

Само во 2015 година во Германија беа забележани над 1000 напади врз сместувалишта за бегалци.

loading...