Бискуп објави 10 заповеди што треба да ги заштитат луѓето од роботите

Бискуп на католичка црква во Англија издаде десет заповеди за да ги заштити луѓето од потенцијална злоупотреба од вештачката интелигенција.

Оксфордскиот бискуп Стивен Крофт, кој седи во Домот на лордови, организирал одбор за вештачка интелигенција (AI) и ја повикал Владата и технолошката индустрија сериозно да ги сфатат етичките импликации од напредокот АI.

Иако АI често е поздравена како иднината на економскиот развој, постојат многумина кои се внимателни во ваквото напредување на технологијата.

Бискупот Стивен Крофт ги објавил своите „заповеди“ за решавање на таквата загриженост во политичката расправа во Лондон мината недела.

Бискупот Крофт станал загрижен откако ги сослушал фактите за моќта на технологијата, додека седел во одборот на лордови, претходно предупредувајќи дека „секој развој на вештачка интелигенција поставува нови прашања за тоа што значи да се биде човек.

Говорејќи на конгресот за „вештачка интелигенција и роботика: иновации, финансирања и приоритет на политиката“, бискупот создаде свои сопствени заповеди за АI. Неговите заповеди се усредоточени на заштитата на податоците, етиката, криминалното сузбивање и ограничувањата на силата на АI за „уништување“.

Заповедите содржат општи совети како што се „АI би требало да биде дизајниран за сите и да му користи на човештвото“. „Примената на АI треба да служи за намалување на нееднаквоста на богатството, зголеменото здравје и можностите“, и „АI не би требало да ги поткопува вредностите на нашата демократија“.

Наместо да биде фактор за економски придобивки, бискупот верува дека AI треба да биде насочен кон најосновните проблеми со кои се соочува човештвото.
Пописот содржи референца на револуцијата на роботи која предупредува:
„Автономната моќ да се повреди или уништи никогаш не би смеела да биде оспособена за вештачката интелигенција“.

Scroll to Top