Младиот пејач Филип Пешевски кој одамна им е миленик на тинејџерките ја препеа познатата песна на Оливер Драгојевиќ, „Вјеруј у љубав“. Филип (22) публиката го запозна откако лани настапи како дебитант на „Макфест“ и ја испеа песната „Кукло моја несудена“. Со своето пеење тој го привлече вниманието на публиката и на девојчињата во Македонија. Песната од Оливер е најава за неговата следна песна. Филип е студент на Факултетот за музичка уметност, a за „Репортер“ откри дека навистина се забавувал додека пеел на фестивалот во Штип.
„Не можам да го опишам чувството. Песната ѝ се допадна на публиката, имаше навистина силен аплауз по мојот настап, а јас уживав додека бев на сцената“, ни рече тој.
