Вечерва (16 септември) во МКЦ Кино Фросина со почеток од 20 часот ќе се одржи концертната промоција на првиот албум на македонскиот бенд „Filch“. Ова е прв настап на бендот и тие ексклузивно ќе претстават девет авторски инструментални дела, покрај двете кои беа пуштени во јавноста.
„По долг период на создавање и работење на музиката и по повеќе потешкотии, конечно сме тука, албумот е готов, датумот е закажан, сѐ е подготвено за една одлична вечер. Ве покануваме сите да го означиме заедно почетокот на оваа наша приказна преточена во музика, музика која знаеме дека е наша, искрена и има за цел да го оплемени духот на секој кој ќе подзастане и ќе обрне внимание на неа. Оттука само напред и нагоре! Бидете таму!“ напишаа од бендот во јавната покана до сите кои сакаат да слушнат нова авторска музика.