Новиот филм „Бикини Мун“ на Манчевски премиерно во Бразил

Светската премиера на новиот филм на Милчо Манчевски, „Бикини Мун“, ќе биде на најголемиот филмски фестивал во Латинска Америка, фестивалот во Сао Пауло, Бразил. „Бикини Мун“ е петтиот игран филм на Милчо Манчевски и ќе биде прикажан во програмата за специјални презентации.

Филмот е снимен во Њујорк и е копродукција меѓу САД, Германија и Канада. Ова е првиот филм на Манчевски во кој не учествува Македонија.

Новиот филм на Манчевски е за Бикини, харизматична, темпераментна и неспокојна поранешна жена маринец, која се враќа од Ирак и ненамерно станува центар на документарен филм додека се обидува одново да се интегрира во општеството и да си го поврати старателството врз малата ќерка.

Во главната улога настапува Кондола Рашад, а во останатите улоги настапуваат Сара Голдберг, Вил Џеновиц и Сатја Сридхаран.

Scroll to Top