По две години пауза, „Ориентал бенд“ се враќа на музичката сцена. Наскоро бендот ќе промовира нов проект кој содржи преработки на македонски евергрини и неколку познати странски хитови.
„Целиот проект е снимен во живо. Нашата желба во живо да отпееме и отсвириме неколку убави песни, на театарска сцена со светла, даде плод и нескромно ќе кажеме дека испадна одличен производ. Нашето го остваривме. Работевме со многу голема желба и љубов, а сега останува публиката да го препознае тоа“, велат од „Ориентал бенд“.
По новогодишните празници, конечно, ќе промовираат две авторски песни на бендот, кој од неодамна има и нов член, гитаристот Ристе, а за песните се планирани и видеоспотови.