Петар Георгиевски – Камиказа, членот од музичка група „Меморија“, на социјалната мрежа „Фејсбук“ објави фотографија од времето кога бил војник во некогашната Југословенска народна армија.
Тој на објавените две фотографии напиша: „Малку потсетување на ЈНА“.
На фотографиите може да се забележи капата со петокраката, еден од симболите на Југославија, а исто така и имиџот што тогаш гитаристот на „Меморија“ го негувал, мустаќите.
„На горната фотографија личиш на Сантана. Тој е полковник и лик од драмата на Дејан Дуковски“, беше еден од коментарите.
Перо доби комплименти дека е урбана скопска легенда, дека изгледа топ, но имаше и такви што му напишаа дека изгледа како гуштер. (Љ.В)