Доналд Трамп ветил дека ќе го распушти НАТО-сојузот

Челниците на Европската Унија се подготвуваат за скорешен распад на својата глобална воена сила НАТО-сојузот. Ова го истакнал претседателот на ЕУ, Доналд Туск.

„И покрај нашите неуморни настојувања да го одржиме единството на Западот, трансатлантските односи се под голем притисок поради политиките на претседателот Трамп“, изјавил Туск пред лидерите на ЕУ за време на вечерата во четвртокот.

Тој побарал од челниците на ЕУ да одат еден чекор понапред од закажаната расправа за тоа како ќе излезат на крај со трговската војна предизвикана од едностраните американски тарифи на челик и алуминиум, и да го разгледаат потенцијаниот распад на воениот западен сојуз.

„За жал, поделбите ја надминуваат трговијата“, изјавил тој.

„Треба да се надеваме на најдобро, но мораме да ја подготвиме нашата заедница и за најлошите сценарија“.

Челниците на ЕУ повеќе се загрижени поради тоа што Трамп го ставил самитот на НАТО под знак прашалник. Ваквиот потег би можел да следува по зголемените превирања околу иднината на сојузот. Трамп го зголеми својот бес и поради европската трговија и долготрајната загриженост за одбрабената потрошувачка.

Членките на ЕУ ќе се согласат на зголемување на воената потрошувачка и соработка со цел да ја намалат својата зависност од американската поддршка на НАТО.

„Европа мора да преземе поголема одговорност за сопствената безбедност“, се вели во нацрт-соопштенијата.

„Синдикатот презема чекори за засилување на европската одбрана, зголемување и вложувања во одбраната, развој на способноста и оперативната подготвеност“, е дополнето во соопштенијата.

Додека Тереза Меј и другите европски челници го окупирале Брисел со разговорите за иднината на западниот воен сојуз и Г-7, Трамп почнал нов напад кон ЕУ поради трговскиот вишок од 150 милијарди долари во трговијата со Америка.

„Ги сакаме земјите од Европската Унија“, изјавил Трамп на републиканскиот митинг во Северна Дакота. „Но, ЕУ се разбира е поставена за да ги искористи САД, за да ја нападне нашата касичка со пари. Не можеме да дозволиме тоа да се случи. Готово е со искористувањето на Соединетите Американски Држави“.

Многу европски влади ја делат загриженоста на Доналд Туск за одлуките на претседателот, вклучувајќи ги и трговскиот протекционизам, повлекувањето од иранскиот нуклеарен договор и Парискиот договор за климатските промени како дел од моделите за однесување.

„Загриженоста е поголема поради фактот што тоа не се само инциденти. Почнуваат да изгледаат на загрижувачки начин на однесување“, изјавил висок дипломат на ЕУ, кој укажал на „американската доктрина“ во која светот не познава веќе пријатели, туку само непријатели и каде се игра без правила. „Тоа е многу опасно“, изјавил изворот.

Германија, која зависи од извозот и продажбата на автомобили во Америка, е загрижена поради тоа што ЕУ се движи во полноправна трговска војна со САД.

„Ќе разговараме за тоа дали сакаме во ЕУ да влеземе во разговори со Соединетите Американски Држави за да ја спречиме спиралата на трговска бариера“, изјавила германската канцеларка Ангела Меркел.

 

 

Scroll to Top