Американскиот претседател Доналд Трамп наложил денеска од САД да се избркаат 60 руски дипломати, како и да се затвори рускиот конзулат во Сиетл, поради труењето на поранешниот двоен шпион Сергеј Скрипаљ во Британија.
Повикувајќи се на истакнати официјални лица од администрацијата на Трамп, АП пренесува дека меѓу нив се 12 шпиони за кои САД верува дека го користат дипломатскиот статус во руската мисија во Обединетите нации како параван.
BREAKING: Pres. Trump orders expulsion of “dozens of Russian intelligence officers” from the U.S. and the closure of Russian consulate in Seattle in response to UK nerve-agent attack. pic.twitter.com/HtJYVO4L5N
— ABC News (@ABC) March 26, 2018
Германија ќе протера четворица руски дипломати поради сомнение дека Москва е вмешана во случајот со труење на Скрипаљ, потврдило денеска германското Министерство за надворешни работи, пишува германскиот дневник „Зидојче цајтунг“.
Today 14 EU Member States decided to expel Russian diplomats as direct follow-up to #EUCO discussion last week on #SalisburyAttack. Additional measures including further expulsions are not excluded in coming days, weeks.
— Donald Tusk (@eucopresident) March 26, 2018
Овој германски медиум, и претходно најавил дека Германија ќе избрка четворица руски дипломати, пренесува Ројтерс. Франција најавила дека и таа ќе протера четворица руски дипломати поради наводната улога во труењето на поранешниот двоен шпион.
JUST IN: Canada says it is expelling four Russian diplomats ‘in solidarity with the United Kingdom’ pic.twitter.com/J09pm1hdSA
— Reuters World (@ReutersWorld) March 26, 2018
Претседателот на Европскиот совет, Доналд Туск, изјавил денеска дека 14 земји, членки на Европската унија одлучиле да се протераат руските дипломати. Меѓу земјите на ЕУ кои досега објавиле дека ќе ги протераат руските дипломати се и Полска, Германија, Литванија, Чешка, Летонија, Естонија и Франција. Одлуката да се протераат руските дипломати ја донеле и Украина и САД.
Списокот на земји кои ќе ги протераат руските дипломати го сочинуваат и Канада, која соопшти дека 4 лица ги означила како „известувачи кои го употребиле својот дипломатски статус за нарушување на канадската безбедност и демократија“, пренесува Ројтерс.