Дел од поп и фолк естрадата, вчеравечер се собра на фестивалот „Мел-фест“ во центарот за култура „Марко Цепенков“ во Прилеп.
Пејачите со својот настап и песни решија повторно да му го вратат сјајот на некогаш популарниот интернационален фестивал.
Во секси и модерна гардероба, претежно во црно, македонските пејачки и овој пат не потфрлија со стилот на облекување. Елена Петреска, Наташа Малинкова и Елена Велевска, Андријана Јаневска, Симона Попоска, Игор Узунов, Маријан Стојаноски, Огнен Здравковски, Горан Наумовски со Горан Папаз, Анастасија Аврамовска беа само дел изведувачите на „Мел-Фест“. Водителка беше Лила Филиповска.
По фестивалот, односно неговата гала-вечер, имаше изложба на фотографии како ретроспектива на „Мел-фест“ и забава за пејачите на која пееше Виктор Апостоловски.
