Музички фестивал „Мозаик“, кој годинава ќе се одржи првпат кај нас, е замислен како концертна турнеја на најголемите домашни музички ѕвезди. Тој ќе се одржи во Скопје, Куманово и Прилеп. На концертите, што ќе траат по пет часа, првпат на истата сцена ќе настапат Владо Јаневски, Влатко Стефановски, Елита Пет, Слаткаристика, Нокаут, Џамбо Агушеви Оркестар, Дани Димитровска, Ферус Мустафов, Туна, Рок симфони и Сам.
Концертот во Скопје е закажан за 28 февруари во А1 Арена „Борис Трајковски“, во Прилеп ќе се пее на 14 март во Центар за култура „Марко Цепенков“, а последниот концерт ќе се одржи во Куманово на 21 март во Центарот за култура „Трајко Прокопиев“.
Влезници се веќе во продажба преку продажната мрежа на МК тикетс.
