Моделот Маја Михаиловиќ е новото заштитно лице на Кокев. Познатата дизајнерка Тања Кокев, објави неколку фотографии од Маја и со тоа ја најави новата кампања за SS 2021. “Едвај чекам“, вели Кокев, која доби комплименти за изборот на заштитното лице. „Таа е вистински професионалец“, вели Кокев на социјалните мрежи, по честитките кои ги доби заради изборот.
За потсетување македонската модна дизајнерка, Тања Кокев, 14 години успешно ја гради својата модна приказна промоворајќи ја македонската мода. Од јавни личности до политичарки, но и сосема обични дами ги носат нејзините креации. Последното за што се зборуваше беше Холивуд кога тимот на „Медена земја“ отиде по „Оскарите“ во нејзини креации.
