Мадрид го погодија најголемите снежни врнежи во последните 40 години, пишуваат светските медиуми. Бурата Филомена прекри делови со многу снег, при што во половина од земјата е прогласена црвена тревога.
Мадрид е еден од најтешко погодените градови. Надлежните велат дека во наредните 24 часа, очекуваат да заврне 20 сантиметри снег.
Аеродромот е затворен, исто како и некои патишта. Од синоќа, голем број возила се заглавени на автопат во близина на главниот град, па на помош дојдоа пожарникарите, а во некои места и војската. Властите им порачаа на луѓето да ги избегнуваат сите несуштински патувања.
Според локалните медиуми, ова се најголемите снежни врнежи во Мадрид во последните 40 години. Студеното време ќе продолжи и викендов, при што температурите во Мадрид ќе се спуштат до -12 Целзиусови степени.
