Македонскиот пејач Игор Митровиќ по пет години промовира нова песна, насловена You. Музиката е на Бобан Апостолов, а текстот, кој е на англиски јазик, го напиша Miceal O’Kane.
„Среќен сум што по долга пауза конечно ѝ се ватив на музиката. Песната е на англиски, има летен звук и се надевам дека ќе ѝ се допадне на публиката. Сакам да снимиме и спот, но за сега, направивме само лирикс видео“, вели Игор.
Публиката го памети Митровиќ по неговите песни „Сега и тука“, „Не оди си“, „Сам“, „Биди тој што си“ и други. Пееше на сите фестивали во Македонија, а настапи и на Сунчане скале каде што освои награда за дебитант. Тој подолго време не е активен на музчиката сцена. Две години живееше во Танзанија, а откако се врати, магистрираше на Универзитетот ФОН, на отсекот графички дизајн.
