Горан Пандев имаше емотивно збогување од националниот дрес, откако селекторот Игор Ангеловски реши да го повлече од игра во 68. минута од мечот, предизвикувајќи аплаузи од сите навивачи на „Јохан Кројф“ арената во Амстердам.
Во прегратки со сите соиграчи од репрезентацијата, Пандев доби аплаузи од сите присутни на стадионот, од навивачите на двете репрезентации, од холандските фудбалери, но и од неговиот поранешен соиграч од Интер, Весли Снајдер.
Холандските организатори пред натпреварот му подарија дрес од холандската репрезентација со бројот 122, бројот на настапите што Пандев ги одигра за Македонија.
За потсетување, ова беше последен натпревар на Македонија на првото Европско првенство. Екипата загуби со 3:0 и заврши последна во групата Ц без бодови, откако во претходните два натпревари беше поразена од Австрија, односно Украина.
