Професорот по музичка уметност Александар Ицов го промовира албумот „Николова единаесетка“, со традиционална македонска музика. На албумот има осум дела, познати македонски ора: Ацево естрадно оро, Везена деветка, Николова единасетка, Скорушка гајда, Братски мерак, Михаелина игра, Јанино оро и Ратевка.
Музичарот, кој свири на неколку народни инструменти: гајда, кавал, зурла, тамбура и хармоника, албумот го посвети на својот син. Тој најави дека за некои од песните ќе сними и видеа.
Ицов магистрирал на ФДУ во класата на Драган Даутовски и ја негува изворната македонска музика и македонскиот мелос. Тој е и автор на новокомпонирана народна музика. Гости на албумот се Гоце Јанкулов на кларинет, Демир Кантуроски на труба, Љупчо Соколовски на клавијатури, а издавач на ова ЦД е „Сенатор“ од Битола.
