Гувернерот на централната банка на Авганистан, Аџмал Ахмади, денес изјави дека земјата има околу девет милијарди долари во резерви во странство, а речиси ништо во кеш во земјата.
Ахмади на „Твитер“ напиша дека повеќето од тој износ, околу седум милијарди долари, се наоѓаат во централната банка на САД, во обврзници, пари и злато.
Износот на долари во кеш кој се наоѓа во Авганстан е речиси нула, навел Ахмади и додал дека земјата минатата недела не ја примила планираната испрака на пари за време на офанзивата на талибанците кои во меѓувреме завладеаја со целата територија.
„Испораката не пристигна. Изгледа нашите партнери имале добри известувачки податоци за тоа што ќе се случи“, рече Ахмади.
Тој додаде дека недостигот на долари во кеш веројатно ќе доведе до раст на инфлација. Пристапот на резерви во САД ќе биде комплициран затоа што американската влада ги смета талибанците за терористичка група.
