Емил Павов испиша историја во македонското карате, откако освои сребрен медал во категоријата до 67 килограми на Светското првенство во Дубаи. Тој во финалето загуби од актуелниот олимписки шампион и најдобар каратист во оваа категорија, Французинот, Стивен Да Коста со резултат од 8-0.
Во полуфиналето тој го победи Мартијал Ивес Тадиси од Унгарија, а претходно ги совлада и Матеј Хомола од Словачка, Садтидин Сајматов од Узбекистан, Абдала Хамад од Јордан и Али Елсави од Египет.
Ова е втор медал од светските избори за Македонија, по оној на Жарко Арсовски кој беше бронзен.
