Социјалните мрежи од вчера се преплавени со неверување за смртта на фронтменот на “Парни Ваљак“, Аки Рахимовски. Речиси цел регион, се прости од него, јавни личности, фанови, љубители на добрата музика…Со емотивна порака од својот татко се прости и неговиот син Кристијан Рахимовски, за кого се зборуваше дека не се во добри односи. Тогаш Аки за хрватските медиуми кажа дека тоа се само муабети, и дека тој и Кристијан се блиски и дека се радува што на неговиот син му оди ослично со со музиката.
„Тато, прерано ме остави. Многу рано. Луѓето велат дека Господ така сакал. Бевме повеќе со песна отколку со зборови, не знаеше друг начин, не можеше да се симнеш од таа сцена во главата, па ти пријдов само со песна. А можевме да направиме многу повеќе тато. Болиш неописливо. Утеха ми е што ќе имам барем дел од тебе во моите песни како и во она што ми го остави. Но, тоа сега не ми е доволно. Луѓето знаеја се за нас, а не знаеја ништо. Знаевме јас и ти. На сите ни недостасуваш тато. Тато мој сега одмори се, а потоа „рокај“ горе со екипата. Луѓе мои, во име на целото семејство Рахимовски ви благодарам на сите за зборовите за поддршка, за сите пораки, повици. Ви значеше и на вас затоа што беше голем, како и Оли недопирлив. Татко мој, ти ми рече пред неколку дена: Сине, и јас те сакам, да бегај таму и се гледаме. Се гледаме тато еден ден… Збогум тато, те сакам тато“ напиша тој на Фејсбук.
