Набргу ќе почне да се прикажува новата македонска серија „Куќен притвор“, во која главната улога ќе ја има инспекторот Томе од „Преспав“. Серијата ќе се прикажува на Македонската телевизија, а се фокусира на животот и семејството на корумпираниот инспектор од пансионот на браќата Бузалевски.
„ОХО продукција“ веќе го објави првиот трејлер од серијата.
Томе е уапсен во пансионот, а адвокатите бараат да помине 30 дена во притвор, но наместо во затвор, Томе мора да ја издржи казната дома. Во серијата првпат се појавуваат и сопругата на Томе, нејзиниот 20 години помлад љубовник, комшиката Снеже и откачениот адвокат.
Главните улоги во новата серија ги глумат Горан Стојановски, Ирена Ристиќ, Сашко Коцев, Дениз Абдула, Јована Спасиќ и Зоран Љутков.
