На ДНК не им бил исплатен хонорар за концертот на Вевчанкиот карневал, тврди Панчо кој преку статус на Фејсбук го посочи лицето кое ги ангажирало и не ги исплатило.
„На 12-ти јануари имавме чест да бидеме дел од традиционалниот вевчански карневал на кои настапивме со целиот наш бенд и кој воедно многу го почитуваме како македонски традиционален настан. Атмосферата беше феноменална, публиката одлична но за да не биде се така розево се погрижи ликот Александар Цезар Коневски кој важи за еден од најголемите патолошки лажговци и преваранти кои се занимаваат со ангажирање на бендови и артисти односно човек кој секојдневно бара нови жртви за да им се случи ова што се случи со 11-12 бенда во Вевчани. Се до денеш ден ниту еден бенд кој настапуваше на овогодинешниот фестивал нема земено ниту еден денар од договорениот хонорар за кој најчесно си ја извршија работата“, стои во статусот на Панчо.
По објавата на Панчо се надоврза и фолк пејачот Наум Петрески кој тврди дека и нему не му бил исплатен хонорар од истото лице.
„Истото го пишав и јас пред некое време и ве предупредив, но тоа е тоа, се е школо, а него ќе го најдат во некој контејнер со гаранција. Тежок патолошки лажго“, стои во коментарот на Петрески.
