Во 2014 година Volkswagen го донесе GTI Roadster Vision Gran Turismo на традиционалниот собир на љубителите на GTI. Повеќето ќе се согласат, ако некој голф е „кул“, тогаш дефинитивно е овој.
Благодарение на каналот Autogefuhl на YouTube, сега можеме повторно да го видиме тој автомобил и подобро да го запознаеме. Футуристичкиот Golf е висок само еден метар, а е поставен на тркала од 20 инчи. Огнената црвена боја придонесува за атрактивниот дизајн, но и детали како минимизирани LED светла, централен издув и огромно задно крило.
Автомобилот е интересен и одвнатре, на кој доминира волан позајмен од Формула 1. Неговиот исклучително чист изглед јасно покажува дека е создаден за возење. И тука му помага 3.0 V6 мотор со над 500 КС. Овој концепт наводно достигнува стотка за 3,6 секунди и забрзува над 300 km/h.
