Фолк-пејачката Сузана Гавазова, направи џумбуш во Австралија заедно со нејзините колеги Гоце Петрески-Бананата и Борче Нумовски-Министерот. Тие изминатиот период се на турнеја во Австралија, каде прават забави за нашинците во повеќе градови низ земјата.
Оро на македонски песни, играње на ушка, веење македонски знамиња, додека фолк пејачите се китат со голем бакшиш, вака изгледаат македонските вечери во Австралија.
Гавазова има и поддршка од три девојки кои со неа играат во позадина и се облечени идентички фустани.
Нашинци кои живеат таму споделуваат видеа и фотографии како изгледа кога Сузана Гавазова прави журка.
Пејачката неодамна на социјалната мрежа Инстаграм се пофали како собира бакшиш додека ги забавува гостите.
