По објавата дека Македонскиот Олимписки Комитет го суспендираше Борко Ристевски и му изрече забрана од четири години вршење на работа во олимпискиот спорт, со реакција излезе и македонскиот голман. Најави прес конференција на која ќе се дообјаснува со претседателот на МОК Даниел Димевски.
„Во „северна вукојeбина сè е можно, ама не со мене. Допрва ќе плачете криминалци“, објави Борко на „Инстаграм“.
За потсетување, Ристовски е казнет затоа што како претставник на политичка партија во телевизиска емисија изнесувал лаги, клевети и ширел невистини на сметка на претседателот на Олимпискиот комитет, Даниел Димевски.
Пријавата е поднесена од Димевски, а одлуката е доставена до Ракометната федерација на Македонија и ракометниот клуб Вардар 1961. Борко Ристовски има рок за жалба на одлуката на Македонскиот олимписки комитет во следните осум дена.
