Дуња Иванова е првата девојка од Македонија која ќе настапи на Светско првенство во велосипедизам. Иванова која е повеќекратна добитничка на врвни спортски признанија и награди, утре ќе се трка во женската сениорска конкуренција во дисциплината „Хронометар“ во Глазгов.
Ќе се натпреварува заедно со 84 натпреварувачки од цел свет, во друмската трка во должина од 150 километри. „Во историјата на македонскиот велосипедизам ова ќе биде првпат женски претставник да настапи на Светско првенство“, објавија од Еuropehouseskopje.
