Додатоците на храна често се земаат за да обезбедат основни хранливи материи кои можеби не ги добиваме од нашата исхрана. Иако многумина можат да обезбедат значителни придобивки, не сите се безопасни. Одредени додатоци може да го нарушат здравјето на цревата, предизвикувајќи нерамнотежа во дигестивниот систем.
Високите дози на одредени витамини и минерали може да ја иритираат цревната слузница, да влијаат на цревните бактерии, па дури и да доведат до дигестивни проблеми. Лекарите Мајкл О. Мекини, и Кубанич Такирбашев, предупредија на три такви додатоци.
1. Додатоци на железо
Високите дози на железо може да го иритираат дигестивниот тракт, што доведува до чести несакани ефекти како што се запек, гадење и стомачни болки.
Мајкл О. Мекини, истакна за SheFinds, “Високите дози на железо може да доведат до промени во цревната флора. Прекумерното консумирање на овие додатоци може да го поттикне растот на патогени бактерии, што резултира со запек, надуеност и воспаление”.
2. Калциум карбонат
Друг додаток со кој треба да се внимава е калциум карбонат. Најпознат е по неговите придобивки за здравјето на коските, но може да предизвика запек, надуеност и гасови бидејќи може да го забави дигестивниот процес.
„Калциумот е суштински елемент за развојот на коските, сепак, додатоците на калциум во форма на калциум карбонат може да предизвикаат дигестивни непријатности. Овој тип на калциум е помалку растворлив и може да предизвика цревни нарушувања, што го отежнува одржувањето на здрав дигестивен тракт“, објаснува Мекини.
3. Додатоци на магнезиум
Додатоците на магнезиум, особено во високи дози или во одредени форми како магнезиум оксид, можат да го нарушат здравјето на цревата со предизвикување дигестивни нарушувања како што се дијареа, грчеви и надуеност. Ова се случува затоа што магнезиумот делува како лаксатив, што може да доведе до течна столица и дехидрација ако се зема во прекумерни количини.
„Прекумерното консумирање на магнезиум може да предизвика лаксативно дејство, предизвикувајќи дијареа. Тоа може да доведе до нерамнотежа на природната цревна флора и да го иритира гастроинтестиналниот тракт, предизвикувајќи непријатност и нарушување на здравјето на дигестивниот систем“, заклучил доктор Такирбашев.
