Софија Вергара се појави во елегантно-лежерен стил во Монте Карло, привлекувајќи го вниманието на присутните и покажувајќи дека годините немаат никакво влијание врз неа.
Додека кружат гласини дека е повторно заљубена, Софија Вергара се појави во Монако минатиот викенд и блесна во многу привлечна облека, па затоа не е изненадување што беше во центарот на вниманието.
Таа се појави на Големата награда на Формула 1, која се одржува во Монте Карло, а за оваа пригода избра елегантно-лежерен стил кој, како и секогаш, ги истакнуваше нејзините раскошни, препознатливи облини, и заводливо флертуваше со објективите.
Софија носеше трендовски фармерки со низок струк и широки ногавици, кои се апсолутен моден хит оваа пролет/лето, и ги искомбинираше со корсет од чипка.
Таа ја надополни привлечната комбинација со темни очила за сонце, мини чанта од крокодилска кожа „Hermès Kelly“ и колекција нараквици и прстени.
Актерката деновиве е во центарот на вниманието поради гласините за кратка романса со возачот на Формула 1, Луис Хамилтон, која наводно се случила претходно оваа година, а според изворите, раскинувањето се случило поради разликата во годините.
