Кога ќе помислите дека авантурите се резервирани само за младите – запознајте ги Елеанор Хамби и Сандра Хејзелип од Тексас. На 84 години, тие го живеат својот сон: обиколија седум континенти за само 80 дена, и тоа со буџет од едвај 29 долари по ноќ!
Пријателството им започнало пред дваесетина години на медицинска мисија. И двете вдовици, животните загуби ги зближиле, а од тогаш не се разделуваат. Иако по карактер сосема различни – Сандра е мирна и нежна, а Елеанор авантурист со храбро срце – заедно сфатиле дека гледаат на светот низ исти очи: со љубопитност и радост.
Тие патуваат по правило – никогаш прва класа. „Во прва класа зборуваш со туристи. Во втора класа ги запознаваш вистинските луѓе,“ вели Елеанор. Во Каиро спиеле во скромна куќа за 13 долари, а од покривот уживале во спектакуларен поглед на пирамидите и светлосната претстава.
Авантурите ги однесоа од Антарктикот до Африка, а приказната инспирираше илјадници луѓе ширум светот кои ги нарекоа „патувачките баби“.
Иако повеќе не планираат нова трка околу светот, двете пријателки и понатаму ќе патуваат, но со поспокоен ритам. На 16 септември тие ќе ја издадат книгата „Еве не тргнуваме: лекции за бестрашен живот од две патувачки баби“, каде ќе ги споделат своите животни мудрости.
„Мислевме дека ова е авантура само за нас, но луѓето од целиот свет ни дадоа љубов и поддршка,“ вели Сандра. А нивниот совет е едноставен:
👉 „Светот е голем и прекрасен. Луѓето ве чекаат – само треба да им ги отворите срцата.“
