Холивудската ѕвезда Бред Пит повторно се најде во центарот на вниманието поради нов развој во односите со своето семејство. Само еден ден откако неговиот најстар син Медокс поднесе барање законски да го отстрани презимето „Пит“ од своето име, актерот беше фотографиран насмеан и расположен за време на романтична вечер со својата партнерка Инес де Рамон во Париз.
Двојката беше забележана како се држи за раце додека се шета низ француската престолнина, а подоцна присуствуваше и на концерт на светски познатата рок-група „Ред Хот Чили Пеперс“. Според фотографиите кои се појавија во медиумите, Пит изгледал опуштено и расположен и покрај новите случувања во неговиот приватен живот.
Во меѓувреме, 24-годишниот Медокс официјално побарал неговото име повеќе да не биде Медокс Чиван Џоли-Пит, туку Медокс Чиван Џоли. Во судската документација како причина за промената е наведено дека станува збор за лична одлука.
Ова не е прв случај некое од децата на Бред Пит и Анџелина Џоли да се откаже од презимето на својот татко. Нивната ќерка Шајло уште во 2024 година поднесе барање за отстранување на презимето Пит, а промената беше одобрена неколку месеци подоцна.
Според извори блиски до семејството, ваквите одлуки биле исклучително болни за актерот. Наводно, тој бил длабоко погоден од оддалечувањето на дел од своите деца, но и понатаму не се откажува од надежта дека во иднина ќе успее да ги подобри односите со нив.
Освен Медокс и Шајло, поранешната двојка има уште четири деца – Пакс, Захара и близнаците Нокс и Вивиен. Според американските медиуми, Пит периодично се гледа со најмладите деца, додека односите со останатите членови на семејството остануваат затегнати.
Љубовната приказна меѓу Бред Пит и Анџелина Џоли започна во 2005 година, а тие стапија во брак во 2014 година. Само две години подоцна следуваше нивната разделба, по што започна долга и комплицирана бракоразводна постапка која беше финализирана кон крајот на 2024 година.
Во меѓувреме, Бред Пит од 2022 година е во врска со Инес де Рамон. Извори блиски до парот тврдат дека нивната врска е сериозна и стабилна, иако актерот во неколку наврати изјави дека засега не размислува за нов брак.
