Поп-иконата Мадона и на 67-годишна возраст продолжува да привлекува огромно внимание со своите проекти и настапи. Пејачката деновиве го објави десетминутниот музички филм „Confessions II“, со кој го најавува својот нов албум, а видеото веднаш предизвика бројни реакции поради провокативните сцени и впечатливата продукција.
Во една од сцените, Мадона е прикажана во ноќен клуб каде во придружба на млад маж влегува во тоалет, по што следуваат провокативни танцови моменти. Во видеото таа клекнува пред него, додека друго лице набљудува од страна. Подоцна, мажот ја крева Мадона додека танцуваат, а сцената предизвика бројни коментари на социјалните мрежи. Сепак, не е јасно дали станува збор за дел од кореографија или за симболична уметничка порака.
„Confessions II“ не е класичен музички спот, туку краток филм кој ги поврзува првите шест песни од претстојниот албум. Во проектот се појавуваат и неколку познати личности, меѓу кои супермоделот Кејт Мос, британскиот актер , актерката , која треба да ја толкува Мадона во идниот биографски филм, како и актерката .
Обожавателите на пејачката не го криеја воодушевувањето од амбициозниот проект. Голем дел од нив истакнаа дека во време кога музичките видеа стануваат сè пократки и поедноставни, Мадона повторно нуди целосно кинематографско искуство со јасна приказна и визуелна концепција.
„Во ера на двоминутни песни и кратки видеа за социјалните мрежи, Мадона создаде десетминутно музичко искуство исполнето со уметност и раскажување приказни“, гласи еден од коментарите на обожавателите.
Други ја пофалија за враќањето на концептот на големи музички видеа, оценувајќи дека токму ваквите проекти ја потврдуваат нејзината позиција како една од највлијателните поп-ѕвезди на сите времиња.
Новото видео доаѓа само неколку дена откако Мадона повторно беше во центарот на вниманието по нејзиниот настап на Прајд фестивалот во Њујорк. За време на настапот, пејачката изведе смел сценски потег кога се навали преку заштитната ограда на високата сцена и делумно висеше над публиката, предизвикувајќи воздишки кај присутните.
Со новиот албум и впечатливиот визуелен проект, Мадона уште еднаш покажува дека и по повеќе од четири децении на сцената останува една од најкоментираните и највлијателни фигури во светот на музиката.
